કોરોનાની મહામારી ના કારણે ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ ગાંધીનગર દ્વારા ધોરણ 10 અને 12 ના વિદ્યાર્થીઓ માટે ગુણપત્રક, પ્રમાણપત્ર, માઈગ્રેશન વગેરે પ્રમાણપત્રો ઓનલાઈન અરજી કરીને ઘરે બેઠા મંગાવવાના રહેશે અને કચેરીએ રૂબરૂ આવું નહીં તેની ખાસ નોંધ લેવી એવું જણાવવામાં આવ્યું છે.
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ, ગાંધીનગર અખબારી યાદીમાં છે કે ધોરણ -૧૦ અને ધોરણ -૧૨ ના તમામ વિદ્યાર્થીઓ માટે ગુણપત્રક, પ્રમાણપત્ર, માઈગ્રેશન અને ડિપ્લોમા અને ITI ના વિદ્યાર્થીઓને ધોરણ -૧૦ કે ધોરણ -૧૨ સમકક્ષ પરીક્ષા પાસ કરેલ છે તેવું સમકક્ષતા પ્રમાણપત્ર મેળવવા માટે વિદ્યાર્થી સેવા કેન્દ્ર ની ગાંધીનગર કચેરી ખાતે કાર્યરત છે.
ઉપરોક્ત તમામ સેવાઓ બોર્ડ દ્વારા ફેબ્રુઆરી - 2020 થી online અરજી કરીને સ્પીડ પોસ્ટથી અરજદારે દર્શાવેલ સરનામા પર મોકલવાની વ્યવસ્થા ઉભી કરેલ છે, જેથી અરજદારે COVID-19 ની આ પરિસ્થતિમાં પ્રવાસ કર્યા સિવાય ઘરે બેઠા online અરજી કરવાથી સરળતાથી સ્પીડ પોસ્ટ મારફતે મળે તેવી સુવિધા ઉપલબ્ધ કરેલ છે. ઓનલાઈન પ્રક્રિયા માટે બોર્ડની વેબસાઈટ www.grebeservice.com ઉપર જઈ students મેનુ ઉપર ક્લિક કર્યા બાદ online student services માં જવાનું રહેશે. Covid-19 ની હાલની પરિસ્થિતિ ધ્યાને લેતા કોઈપણ વિદ્યાર્થી કે વાલીને બોર્ડની કચેરીમાં રૂબરૂમા ઉપરોક્ત પૈકી કોઈપણ દસ્તાવેજ આપવામાં આવશે નહિ. જેની ખાસ નોંધ લેવા જણાવવામાં આવે છે.