ગુજરાત પોસ્ટલ સર્કલ દ્વારા ગુજરાતનાં 10 શહેરોમાં બુકીંગ કરાવેલ પાર્સલના 24 કલાકની અંદર ડિલિવરી માટે ઓવરનાઈટ પાર્સલ સેવા
ગુજરાત પોસ્ટલ સર્કલ, ગુજરાતના 10 શહેરો અમદાવાદ, ગાંધીનગર, મહેસાણા, પાલનપુર, પાટણ, હિંમતનગર, ભુજ, ભાવનગર, વડોદરા અને સુરતમાં 24 કલાકમાં બુક કરાવેલ પાર્સલની ડિલિવરી માટે પાર્સલ સેવા શરૂ કરી રહ્યું છે (રવિવાર અને જાહેર રજાઓને બાદ કરતાં). આ સેવા ગ્રાહકોને 27 જુલાઈ, 2020 થી શરૂ કરવામાં આવશે.
આ સેવા નાના વેપારીઓ અને ઉદ્યોગપતિઓ કે જેઓ કુરીયર અને નાના લોજિસ્ટિક્સ કંપનીઓના સંચાલન ન કરવાને કારણે મુશ્કેલીઓનો સામનો કરી રહ્યા છે, તેમને મદદ કરશે. આ સેવા ખૂબ અસરકારક છે જે એમ.એસ.એમ.ઇ. એકમોને ઓછામાં ઓછા લોજિસ્ટિક્સ અને પરિવહનના ખર્ચ સાથે તેમનો વ્યવસાય ચલાવવામાં મદદ કરશે.
પાર્સલ બુકિંગ માટેની વજન મર્યાદા પ્રતિ પાર્સલ 4 કિલો છે અને સામાન્ય પાર્સલ રેટ આ સેવા હેઠળ લાગુ થશે.
ઉપરોક્ત શહેરોના મ્યુનિસિપલ / નગરપાલિકા અધિકારક્ષેત્રમાં ફક્ત પાર્સલ મોકલવા માટે, ઉપરોક્ત નવ શહેરોની મુખ્ય પોસ્ટ ઓફિસ અને અમદાવાદ શહેર માટે સ્પીડ પોસ્ટ ભવન સબ પોસ્ટ ઓફિસ પર પાર્સલ બુક કરાવી શકાય છે.